ភ្នំពេញ៖ សាធារណជន អាចយកក្រដាសប្រាក់រៀលចាស់ ទក់ រហែក ប្ដូរយកក្រដាសប្រាក់រៀលថ្មីដោយឥតគិតថ្លៃ នៅសាលប្រជុំសាលាខេត្តពោធិ៍សាត់ នៅថ្ងៃទី២០ ខែវិច្ឆិកា ឆ្នាំ២០២៥។ នេះបើតាមការចុះផ្សាយរបស់ ធនាគារជាតិនៃកម្ពុជា។

កម្មវិធីប្តូរក្រដាសប្រាក់រៀលចាស់ ទក់ រហែកនេះ នឹងធ្វើឡើងនៅក្នុងកម្មវិធីផ្សព្វផ្សាយ ស្តីពី ប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR) ក្នុងឱកាសអបអរសាទរខួបលើកទី៤៥ នៃការដាក់ឱ្យចរាចរប្រាក់រៀលឡើងវិញ នៅខេត្តពោធិ៍សាត់៕