ភ្នំពេញ៖ ក្រសួងទេសចរណ៍ ស្នើសុំឱ្យសមាគមអភិបាលខេត្តនៃសាធារណរដ្ឋកូរ៉េ និងស្ថាប័នទេសចរណ៍ទីក្រុង Incheon បន្តជួយគាំទ្រកម្ពុជាបន្ថែមទៀត ជាពិសេសលើវិស័យទេសចរណ៍។ នេះបើតាមការលើកឡើងរបស់ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ កាលពីថ្ងៃទី៥ ខែមិថុនា ឆ្នាំ២០២៥។

ក្នុងជំនួបនៅរដ្ឋធានីសេអ៊ូល ប្រទេសកូរ៉េនេះ ឯកឧត្តម ហួត ហាក់ និងលោក Yonn Ho Doh អគ្គលេខាធិការរងសមាគមអភិបាលខេត្តនៃសាធារណរដ្ឋកូរ៉េ និងស្ថាប័នទេសចរណ៍ទីក្រុង Incheon ក៏ពិភាក្សាការងារលើកិច្ចសហប្រតិបត្តិការទេសចរណ៍កម្ពុជា-កូរ៉េ នៅពន្លារបស់ក្រសួងទេសចរណ៍។

ជាមួយគ្នានេះ ប្រតិភូរបស់សមាគមអភិបាលខេត្តនៃសាធារណរដ្ឋកូរ៉េ និងស្ថាប័នទេសចរណ៍ទីក្រុង Incheon បានគោរពបញ្ជាក់ថា ភាគីកូរ៉េរីករាយ និងបានត្រៀមខ្លួនសហការជាមួយក្រសួងទេសចរណ៍ នៅពេលមានសំណូមពរសហប្រតិបត្តិការណាមួយ។ ឯកឧត្តម ហួត ហាក់ ក៏បានអរគុណ ព្រមទាំងកោតសរសើរ និងវាយតម្លៃខ្ពស់ចំពោះការជួយគំាទ្រជាប្រចាំលើគ្រប់វិស័យរបស់រដ្ឋាភិបាល និងប្រជាជនកូរ៉េដល់ប្រទេសកម្ពុជារហូតមក៕