ភ្នំពេញ៖ សាខាធនាគារជាតិនៃកម្ពុជាខេត្តកោះកុង នឹងបន្តចុះប្តូរនូវក្រដាសប្រាក់រៀលចាស់ ទក់ រហែក ដល់សាធារណជន និងប្រជាពលរដ្ឋ តាមរយៈការផ្ទេរប្រាក់ចូលគណនីបាគង ឬគណនីគ្រឹះស្ថានធនាគារនិងហិរញ្ញវត្ថុ ដែលជាសមាជិកបាគងតាមប្រព័ន្ធឌីជីថល KHQR។ នេះបើតាមសេចក្តីជូនដំណឹង ស្តីពីយុទ្ធនាការប្តូរក្រដាសប្រាក់រៀលចាស់ ទក់ រហែក នៅខេត្តកោះកុង។

តាមការចុះផ្សាយរបស់រដ្ឋបាលខេត្តកោះកុង នាថ្ងៃទី១៨ ខែកញ្ញា ឆ្នាំ២០២៤ ការចុះប្តូរនូវក្រដាសប្រាក់រៀលចាស់ ទក់ រហែកនេះ ធ្វើឡើងនៅផ្សារភូមិថ្មី ចាំយាម វេលាម៉ោង ៨:០០នាទីព្រឹក ដល់ម៉ោង ៣:០០ នាទី រសៀល នាថ្ងៃទី២៥ ខែកញ្ញា ឆ្នាំ២០២៤ សាខាធនាគារជាតិនៃកម្ពុជាខេត្តកោះកុង។

រដ្ឋបាលខេត្តកោះកុង បានឱ្យដឹងថា សាធារណជន អាចប្តូរក្រដាសប្រាក់រៀលចាស់ ទក់ និងរហែក ដោយមិនគិតកម្រៃសេវាទេ និងអាចមកប្តូរយកក្រដាសប្រាក់ថ្មីនៅសាខាធនាគារជាតិនៃកម្ពុជាខេត្តកោះកុងនៅរៀងរាល់ថ្ងៃធ្វើការផងដែរ៕