ភ្នំពេញ៖ ក្រុមហ៊ុន Google បាននិងកំពុងអភិវឌ្ឍន៍កម្មវិធី Artificial Intelligence (AI) របស់ខ្លួន ដែលមានឈ្មោះថា Google AI (ai.google) ក្នុងទិសដៅធ្វើឱ្យមុខងារ AI មានប្រយោជន៍កាន់តែច្រើន និងផ្តល់ភាពកាន់តែងាយស្រួលដល់អ្នកប្រើប្រាស់គ្រប់ៗគ្នា។ សារព័ត៌មាន SME News សូមចែករំលែកនូវមុខងារ AI ដែលកំពុងពេញនិយមចំនួន ៣ ចំណុច ដូចខាងក្រោមនេះ៖

ចំណុចទី១៖ AI Generative របស់ Google លើ Browser Chrome បានណែនាំមុខងារ AI របស់ខ្លួនដោយបង្កើតនូវពិសោធថ្មីមួយជាប្លុក (blog.google) ដែលមានលក្ខណៈពិសេស អាចឱ្យអ្នកប្រើប្រាស់សរសេរជាមាតិកាលើអ៊ីនធឺណិត រៀបចំរចនាផ្ទាំង និងបង្កើតរូបភាពផ្សេងៗដែលយើងចង់បាន។

ចំណុចទី២៖ Google បានបង្កើតមុខងារថ្មីមួយទៀត គឺបំប្លែងភាសានិយាយទៅសំណេរអត្ថបទ ដែល Google អនុញ្ញាតឱ្យគ្រប់គ្នាចូលទៅប្រើប្រាស់វាបាន តាមរយៈមុខងារនៅលើក្លោដ (cloud.google.com) ដែលដំណើរការដោយ AI ។

ចំណុចទី៣៖ មុខងារថ្មីមួយទៀតរបស់ Google គឺការស្រាវជ្រាវដោយ Google AI ដែលកំពុងតែពេញនិយម និងផ្តល់ភាពកាន់តែងាយស្រួលក្នុងការស្រាវជ្រាវបានលឿនជាងមុន ដោយប្រើប្រាស់ពាក្យបញ្ជា (Prompt) ជាក់លាក់ណាមួយដែលយើងចង់បាន។ ការអភិវឌ្ឍមុខងារថ្មីរបស់ Google AI ដែលពីមុន Google បានប្រើប្រាស់ឈ្មោះថា Bard AI ហើយនាពេលថ្មីៗនេះ បានប្តូរមកជា Gemini (gemini.google.com) វិញ ដែលវាត្រូវបានអាប់ដេតឡើង ដើម្បីជួយឱ្យអ្នកប្រើប្រាស់អាចសរសេរ ធ្វើផែនការ និងការរៀនសូត្របានយ៉ាងងាយស្រួលជាងមុន៕