ភ្នំពេញ៖ ឯកឧត្តម ហួត ហាក់ រដ្ឋមន្ត្រីក្រួសួងទេសចរណ៍ និងឯកឧត្តម លីវ ស៊ាវថាវ (Liu Xiaotao) អភិបាលខេត្តជាំងស៊ូ ប្រទេសចិន បានប្តេជ្ញាសហការរួមគ្នាអនុវត្តឆ្នាំទេសចរណ៍កម្ពុជា-ចិន ២០២៥ ឱ្យបានលទ្ធផលខ្ពស់ជាមួយកំណើនភ្ញៀវទេសចរជាតិ និងអន្តរជាតិ។ នេះបើតាមការចុះផ្សាយរបស់ក្រសួងទេសចរណ៍ កាលពីថ្ងៃទី០១ ខែវិច្ឆិការ ឆ្នាំ២០២៥។

ក្នុងជំនួបនាឱកាសចូលរួមព្រឹត្តិការណ៍អន្តរជាតិជំរុញទេសចរណ៍ Çពិព័រណ៍វប្បធម៌ និងឧស្សាហកម្មការរចនាបែបច្នៃប្រឌិតស៊ូចូវ លើកទី១៤È និង Çពិធីបុណ្យកម្ពុជាÈ នៅទីក្រុងស៊ូចូវ ខេត្តជាំងស៊ូ ភាគីទាំងពីរ ក៏បានពិភាក្សាការងារស្តីពីផែនការសកម្មភាពជាក់ស្តែងជំរុញកិច្ចសហប្រតិបត្តិលើវិស័យទេសចរណ៍រវាងកម្ពុជា និងចិន ក្នុងយុទ្ធនាការ Çឆ្នាំទេសចរណ៍ កម្ពុជា-ចិន ២០២៥Èផងដែរ៕