ភ្នំពេញ៖ កម្ពុជាឆ្ពោះទៅឌីជីថល បានបង្ហាញអំពីហានិភ័យ នៃការដោតឆ្នាំងសាកចោល ដោយមិនប្រើទូរសព្ទចំនួន ៤ប្រភេទ។ ហានិភ័យចំនួន ៤ប្រភេទនោះ មានដូចជា៖ ទី១. ហានិភ័យនៃការឆ្លងចរន្តអគ្គិសនី (Electrical Hazards) គឺក្នុងករណីដែលមានការដាច់ខ្សែចរន្តអគ្គិសនី ហើយឆ្នាំងសាកបញ្ចូលថ្មរបស់យើងមានបញ្ហា វាអាចបណ្ដាលឱ្យឆ្លងចរន្តអគ្គិសនីធ្វើឱ្យខូចឧបករណ៍ឌីជីថលឬប៉ះពាល់ដល់វត្ថុដទៃទៀត។

ចំពោះ ទី២. ការកើនឡើងកម្ដៅដុំឆ្នាំងសាកដែលដោតចូលអាចបង្កបានជាកម្ដៅ ប្រសិនបើមិនមានខ្យល់ចេញចូលបានល្អទេ វាក៏អាចបង្កជាហានិភ័យភ្លើងឆេះបានដែរ។ ទី៣. ហានិភ័យពីការវាយប្រហារតាម USB ប្រសិនបើឆ្នាំងសាកត្រូវបានដោតនៅតាមទីកន្លែងសាធារណៈដូចជា នៅហាងកាហ្វេ ឬអាកាសយានដ្ឋាន អ្នកអាចនឹងមានហានិភ័យពីការវាយប្រហារឬការលួចទិន្នន័យតាមរយៈ USB នៅពេលសាក។ ចំណែក ទី៤. បង្កឱ្យមានហានិភ័យនៃអគ្គិភ័យ ឆ្នាំងសាកដែលចាស់ខ្លាំងឬមិនមានស្តង់ដារត្រឹមត្រូវអាចបង្កឡើងជាកម្តៅបណ្តាលឱ្យរលាយឬឆេះអាចបង្កជាអគ្គិភ័យ៕