ភ្នំពេញ៖ គណៈកម្មាធិការ រណសិរ្សមាតុភូមិខេត្ត Lam Dong នៃប្រទេសវៀតណាម បង្ហាញបំណងពង្រឹងកិច្ចសហប្រតិបត្តិការទ្វេភាគីជាមួយខេត្តសៀមរាប ដើម្បីជំរុញទំនាក់ទំនងប្រជាជន និងប្រជាជន និងការវិនិយោគ។ នេះបើតាមការលើកឡើងរបស់ លោក Pham Trieu សមាជិកគណៈកម្មាធិការ រណសិរ្សមាតុភូមិខេត្ត Lam Dong ក្នុងដំណើរទស្សនកិច្ចក្នុងខេត្តសៀមរាប នាថ្ងៃទី២២ ខែមេសា ឆ្នាំ២០២៥។

ក្នុងជំនួបសម្តែងការគួរសម និងពិភាក្សាការងារជាមួយ លោក Pham Trieu លោក ង៉ូវ សេងកាក់ អភិបាលរង នៃគណៈអភិបាលខេត្តសៀមរាប បានអរគុណលោកប្រធានគណៈប្រតិភូខេត្ត Lam Dong នៃវៀតណាម ដែលបានយកចិត្តទុកដាក់ខ្ពស់ចំពោះកិច្ចសហប្រតិបត្តិការរវាងប្រទេសទាំងពីរផងដែរ។ លោក ង៉ូវ សេងកាក់ សង្ឃឹមថា ទំនាក់ទំនងកិច្ចសហប្រតិបត្តិការ និងការផ្លាស់ប្ដូរទៅវិញទៅមករវាងកម្ពុជា ជាមួយវៀតណាម នឹងធ្វើឱ្យមានការអភិវឌ្ឍរួមគ្នាកាន់តែប្រសើរឡើងថែមទៀត។ នេះបើតាមការចុះផ្សាយរបស់ រដ្ឋបាលខេត្ត សៀមរាប៕