ភ្នំពេញ៖ និយ័តករអាជីវកម្មអចលនវត្ថុ និងបញ្ចាំ (ន.អ.ប.) អំពាវនាវឱ្យសាធារណជន កុំចូលរួមធ្វើអាជីវកម្ម ឬពាក់ព័ន្ធជាមួយនឹងគម្រោងចំនួន២ ដែលកំពុងប្រកបអាជីវកម្ម ដោយគ្មានអាជ្ញាបណ្ណពី ន.អ.ប. ដើម្បីជៀសវាងការធ្វើឱ្យប៉ះពាល់ ឬខាតបង់ផលប្រយោជន៍ណាមួយ ជាយថាហេតុ។

គម្រោងចំនួន ២នោះ រួមមានគម្រោងលំនៅដ្ឋានប្រណិត នៅសង្កាត់ព្រៃស ខណ្ឌដង្កោ រាជធានីភ្នំពេញ និងគម្រោង BAOLI InterCity ដែលមាននាមករណ៍ ប៉ាវលី (ខេមបូឌា) រៀល អ៊ីស្ទេត ឯ.ក ស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។ នេះបើតាមសេចក្តីជូនដំណឹង ស្តីពី ការប្រកបអាជីវកម្មអភិវឌ្ឍលំនៅឋាន និងអគារសហកម្មសិទ្ធិ ដោយគ្មានអាជ្ញាបណ្ណពីនិយ័តករអាជីវកម្មអចលនវត្ថុនិងបញ្ចាំ៕