ភ្នំពេញ៖ កម្ពុជា ទទួលប្រាក់កម្ចីផ្អែកលើគោលនយោបាយចំនួន ១២០លានដុល្លារ ពីមូលនិធិអភិវឌ្ឍន៍អាស៊ី (ADF) ដើម្បីបន្តពង្រឹងវិស័យហិរញ្ញវត្ថុរបស់ប្រទេស។ នេះបើតាមការចុះផ្សាយរបស់ ធនាគារអភិវឌ្ឍន៍អាស៊ី (ADB) នាថ្ងៃទី១០ ខែមីនា ឆ្នាំ២០២៥។

កម្មវិធីអភិវឌ្ឍន៍វិស័យហិរញ្ញវត្ថុប្រកបដោយបរិយាបន្ននេះ បានដោះស្រាយបញ្ហាប្រឈមសំខាន់ៗ ដូចជាបរិយាបន្នហិរញ្ញវត្ថុនៅមានកម្រិត កង្វះក្របខ័ណ្ឌស្ថិរភាពហិរញ្ញវត្ថុដែលដំណើរការល្អ និងភាពនៅមានកម្រិតនៃហេដ្ឋារចនាសម្ព័ន្ធហិរញ្ញវត្ថុសំខាន់ៗធៀបនឹងស្តង់ដារអន្តរជាតិ។ ADB បញ្ជាក់ថា កំណែទម្រង់ទាំងនេះ គឺស្របតាមផែនការយុទ្ធសាស្ត្រអភិវឌ្ឍន៍ជាតិ យុទ្ធសាស្ត្រអភិវឌ្ឍន៍វិស័យហិរញ្ញវត្ថុ និងការប្តេជ្ញាចិត្តរបស់អាស៊ាន៕