ភ្នំពេញ៖ «អ៊ីនធឺណិតនៃវត្ថុ» ឬ internet of thing (IoT) សំដៅលើបណ្តាញនៃវត្ថុរូបវន្ត ឬវត្ថុ ដែលបំពាក់ជាមួយឧបករណ៍ចាប់សញ្ញា កម្មវិធី និងការតភ្ជាប់ដែលអនុញ្ញាតឱ្យមានការប្រមូល និងផ្លាស់ប្តូរទិន្នន័យតាមប្រព័ន្ធអ៊ីនធឺណិត Wise & Heidari, ២០១៩។ តាមរយៈអ៊ីនធឺណិតនៃវត្ថុ សាធារណជននឹងងាយស្រួលស្វែងរកព័ត៌មានទេសចរណ៍ អន្តរទំនាក់ទំនងប្រព័ន្ធផ្សព្វផ្សាយសង្គម ការធ្វើមាតិកាទីផ្សារ ទិន្នន័យធំ និងឧបករណ៍សម្រាប់ពាក់ Wise & Heidari, ២០១៩។

អ៊ីនធឺណិត នឹងផ្តល់ឱ្យភ្ញៀវទេសចរអាចស្វែងរកព័ត៌មានទេសចរណ៍ផ្សេងៗអំពីផលិតផល និងសេវាកម្ម ដូចជាកន្លែងស្នាក់នៅ អាហារនិងភេសជ្ជៈ ទំនាក់ទំនង និងមធ្យោបាយដឹកជញ្ជូនជាដើម។ ការរីកចម្រើនយ៉ាងឆាប់រហ័សនៃបច្ចេកវិទ្យាទំនើប និងអ៊ីនធឺណិត គឺមានសារសំខាន់សម្រាប់វិស័យទេសចរណ៍នាពេលបច្ចុប្បន្ន និងអនាគត។

លើសពីនេះ IoT អាចអនុញ្ញាតឱ្យមានការប្រើប្រាស់ប្រភេទទិន្នន័យតាមពេលវេលា ដូចជាការដឹងពីចរាចរណ៍រថយន្ត (Traffic-Aware Car Navigation) ការតភ្ជាប់គ្នានៃវត្ថុក្នុងគេហដ្ឋានឆ្លាតវៃ(ស្មាតហូម) ឧបករណ៍ និងសំលៀកបំពាក់ឆ្លាតវៃ។ IoT បានស្ថិតក្នុងចំណោមកត្តាជំរុញដ៏សំខាន់មួយក្នុងការពង្រីកនៃទិន្នន័យធំ (Mauro et al., ២០១៥)ផងដែរ។

ប្រភពពីសៀវភៅ «ផែនទីបង្ហាញផ្លូវបច្ចេកវិទ្យាទេសចរណ៍» ៖ https://smenews.asia/doc?id=37