ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា បានបញ្ជាក់ថា ទូរសព្ទ «Nokia ចុចពិល» ត្រូវបង់ពន្ធនិងអាករនាំចូលតែ ០,៧៧៥ ដុល្លារ/គ្រឿងប៉ុណ្ណោះ ព្រោះមុខទំនិញទូរសព្ទមានពន្ធនិងអាករនាំចូល ១៥,៥% និងការប្រកាសនាំចូលដោយធុរជនមានតម្លៃ ៥ដុល្លារ/គ្រឿង។

បើតាមសេចក្ដីបំភ្លឺបន្ថែម ស្តីពីកាតព្វពន្ធនិងអាករនាំចូលលើមុខទំនិញទូរសព្ទ ការបកស្រាយរបស់អគ្គនាយកដ្ឋានគយ ធ្វើឡើងក្រោយមានសាធារណជនមួយចំនួនបានលើកឡើងថាទូរសព្ទ «Nokia ចុចពិល» មានកាតព្វកិច្ចពន្ធនិងអាករនាំចូលរហូតដល់ ៩៣ដុល្លារ/គ្រឿង៕