ភ្នំពេញ៖ Mixed Reality (MR) សំដៅលើបច្ចេកវិទ្យាទំនើប ដោយរួមបញ្ចូលគ្នារវាង Virtual Reality (VR) ជាបទពិសោធពិភពនិម្មិត និង Augmented Reality (AR) ដែលជាការរួមបញ្ចូលរូបភាពនិម្មិតទៅក្នុងពិភពរូបវន្ត។ MR គឺស្ថិតនៅកណ្តាល ដែលអនុញ្ញាតឱ្យអ្នកប្រើប្រាស់ទទួលបានបទពិសោធ និងធ្វើអន្តរកម្មជាមួយធាតុរបស់បច្ចេកវិទ្យា VR និង AR នៅក្នុងពិភពរូបវន្តរបស់ពួកគេ ក្នុងពេលវេលាជាក់ស្តែង។

ការរួមបញ្ចូលការពិតនិម្មិតជាមួយពិភពពិត MR ប្រើប្រាស់ឧបករណ៍ឯកទេស «Microsoft HoloLens» ដែលឧបករណ៍នេះ អាចគូសផែនទីបរិយាកាសរបស់អ្នកប្រើប្រាស់ក្នុងពេលវេលាជាក់ស្តែង ក៏ដូចជាប្រើការតាមដានដោយភ្នែក និងសំឡេង ដើម្បីបង្កើនការលាយបញ្ចូលគ្នាកម្រិតខ្ពស់នៃការពិត និងពិភពនិម្មិត។ នេះបើយោងតាមគេហទំព័រកម្ពុជា ៤.០៕