ភ្នំពេញ៖ លោក ឡៅ ងួន អេង អនុព័ន្ធពាណិជ្ជកម្មកម្ពុជាប្រចាំទីក្រុងក្វាងចូវ លើកទឹកចិត្តឱ្យបណ្តាក្រុមហ៊ុន និងសហគ្រាសចិន ដែលមានចំណាប់អារម្មណ៍ធ្វើពាណិជ្ជកម្ម និងវិនិយោគនៅកម្ពុជា ចូលរួមសិក្ខាសាលា ស្តីពីការជំរុញពាណិជ្ជកម្ម និងវិនិយោគនៅកម្ពុជា។

សិក្ខាសាលា ស្តីពីការជំរុញពាណិជ្ជកម្ម និងវិនិយោគនៅកម្ពុជានេះ នឹងរៀបចំឡើងនៅថ្ងៃទី២៨ ខែមេសា ឆ្នាំ២០២៥ ក្នុងទីក្រុងហុងកុង ប្រទេសចិន ដែលនឹងមានការចូលរួមពីលោកអគ្គកុងស៊ុល និងអនុព័ន្ធពាណិជ្ជកម្ម ក្នុងពិធីបើក និងជាវាគ្មិន ពិសេសគឺមានការចូលរួមពីបណ្តាក្រុមហ៊ុន និងសហគ្រាសចិនផងដែរ។ នេះបើតាមការពិភាក្សារវាងលោក ឡៅ ងួន អេង និងលោក Zeus Lam អគ្គនាយក្រុមហ៊ុន MY SECOND HOME CM2H (CAMBODIA) CO., LTD កាលពីថ្ងៃទី១០ ខែមេសា ឆ្នាំ២០២៥៕