ភ្នំពេញ៖ កម្ពុជា-ចិន សហការគ្នាផ្សព្វផ្សាយសក្តានុពលទេសចរណ៍កម្ពុជាទៅកាន់ប្រជាជនចិន ដើម្បីទាក់ទាញប្រជាជនចិនឱ្យមកកម្សាន្តនៅកម្ពុជាឱ្យច្រើនឡើងជាលំដាប់។ ការសហការគ្នានេះ ធ្វើឡើងក្នុងជំនួបរវាងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោក Zhen Zhanmin អនុប្រធានបណ្ឌិត្យសភាវិទ្យាសាស្ត្រសង្គមចិន (CASS) ដែលត្រូវបានចាត់ទុកថាជាធនាគារខួរក្បាលរបស់ប្រទេសចិន។

ក្នុងកិច្ចប្រជុំ កាលពីថ្ងៃទី២៤ ខែមីនា ឆ្នាំ២០២៥ ភាគីទាំងពីរ ក៏បានផ្លាស់ប្តូរទស្សនៈស៊ីជម្រៅអំពីការបង្កើតកិច្ចសហប្រតិបត្តិការរួមគ្នារវាងស្ថាប័នទំាងពីរ ដើម្បីជំរុញ និងអភិវឌ្ឍន៍ទេសចរណ៍កម្ពុជា-ចិន ដែលរួមមានការរៀបចំទស្សនកិច្ចដកស្រង់ និងផ្លាស់ប្តូរបទពិសោធ ចាប់ពីកម្រិតថ្នាក់ដឹកនាំ និងកម្រិតបច្ចេកទេស និងការពង្រឹងសមត្ថភាពមន្ត្រីរាជការផងដែរ៕