ភ្នំពេញ៖ ព្រឹត្តិការណ៍មហោស្រពពិព័រណ៍វិទ្យាសាស្រ្តកម្ពុជា ឆ្នាំ២០២៥ នឹងរៀបចំឡើងនៅថ្ងៃទី0៨ ខែកុម្ភៈ ឆ្នាំ២០២៥ ដើម្បីជំរុញការអភិវឌ្ឍអនាគតវិស័យស្ទែម STEM នៅកម្ពុជា តាមរយៈការដាក់តាំងបង្ហាញគម្រោងវិទ្យាសាស្រ្ត ការចែករំលែកចំណេះដឹង និងការមកស្វែងយល់អំពីស្នាដៃនវានុត្តន៍នៅក្នុងមហោស្រពនេះដោយផ្ទាល់។

យោងតាមការចុះផ្សាយរបស់ ក្រសួងអបរំ យុវជន និងកីឡា នាថ្ងៃទី០៧ ខែកុម្ភៈ ឆ្នាំ២០២៥ ព្រឹត្តិការណ៍ដែលរៀបចំឡើងក្រោមមូលបទ «Designing Sustainable Cities» នឹងមានការប្រកួតប្រជែងនានា សកម្មភាពអប់រំអំពីស្ទែម និងការឧបត្ថម្ភកម្មវិធីផងដែរ។ ជាមួយគ្នានេះ សាធារណជន ដែលមានបំណងស្វែងយល់អំពីពិភពនវានុវត្តន៍ និងតាមដានព័ត៌មានថ្មីៗអំពីព្រឹត្តិការណ៍ដ៏អស្ចារ្យនេះ អាចចូលរួមដោយសេរី ចាប់ពីម៉ោង ០៨:០០ព្រឹក រហូតដល់ ១៦:០០ល្ងាច នៅព្រីមៀរ សេនធើ សែនសុខ (អគារ A B C & D)៕