ភ្នំពេញ៖ រយៈពេល ១០ខែ ក្នុងឆ្នាំ២០២៤ បរិមាណកុងតឺន័រ ដែលបានឆ្លងកាត់កំពង់ផែស្វយ័តភ្នំពេញមានចំនួន ៤០១ ២៥១ ទូ (TEUs) ដោយមានការកើនឡើងចំនួន ១៩,៧៨% បើធៀបនឹងរយៈពេល ១០ខែ នៅក្នុងឆ្នាំ២០២៣។ នេះបើតាមការចុះផ្សាយរបស់កំពង់ផែស្វយ័តភ្នំពេញ នាថ្ងៃទី១០ ខែវិច្ឆិកា ឆ្នាំ២០២៤។

កំពង់ផែស្វយ័តភ្នំពេញ បានឱ្យដឹងថា ក្នុងខែតុលា នៃឆ្នាំ២០២៤ បរិមាណកុងតឺន័រ ដែលបានឆ្លងកាត់កំពង់ផែមានចំនួន ៣៥ ២៦៤ទូ ដែលចំនួននេះកើនឡើងបាន ១៧,៧៥% បើធៀបនឹងខែតុលា ឆ្នាំ២០២៣។ ចំពោះ បរិមាណនាវា ដែលបានដឹកភ្ញៀវទេសចរអន្តរជាតិ ចូលចតចំណតផែរបស់កំពង់ផែស្វយ័តភ្នំពេញក្នុងខែតុលា ឆ្នាំ២០២៤ មានចំនួន ៩៥ជើង កើនបាន១២% ដែលក្នុងនោះ មានភ្ញៀវទេសចរអន្តរជាតិចំនួន ៤ ៣១៩នាក់ កើនឡើង២០% ធៀបនឹងខែតុលា ឆ្នាំ២០២៣។

គួរបញ្ជាក់ថា បរិមាណកុងតឺន័រ ដែលបានឆ្លងកាត់កំពង់ផែស្វយ័តភ្នំពេញ ក្នុងរយៈពេល ៩ខែ ឆ្នាំ២០២៤ វិញ មានចំនួន ១៦១,៣៧៣ ទូ (TEUs) កើនឡើងបាន ២៦,១៣% បើធៀបនឹងរយៈពេលដូចគ្នាក្នុងឆ្នាំ២០២៣៕