ភ្នំពេញ៖ កុមារា រិទ្ធិសិទ្ធិ កូនប្រុសសម្តេចធិបតី ហ៊ុន ម៉ាណែត ជាប់លេខ១ ក្នុងការប្រឡងគណិតវិទ្យា ក្នុងកម្មវិធី CARIBOU MATHEMATICS CONTEST ដែលមានអ្នកចូលរួម ២,៣៥៨នាក់ ជុំវិញពិភពលោក។

«កូនប្រុស រិទ្ធិសិទ្ធិ បានផ្តល់កាដូធំមួយសម្រាប់ខ្ញុំនិងភរិយា នោះគឺលទ្ធផលប្រឡងគណិតវិទ្យារបស់គាត់ ក្នុងកម្មវិធី CARIBOU MATHEMATICS CONTEST ដែលគាត់បានទទួលចំណាត់ថ្នាក់លេខ១ ក្នុងចំណោមអ្នកចូលរួមប្រឡង ២,៣៥៨នាក់ ពីបណ្តាប្រទេសផ្សេងៗក្នុងពិភពលោក» សម្តេចធិបតីនាយរដ្ឋមន្ត្រី ហ៊ុន ម៉ាណែត បានបង្ហោះសារលើបណ្តាញសង្គមផ្លូវការរបស់សម្តេច នៅថ្ងៃទី២០ ខែវិច្ឆិកា ឆ្នាំ២០២៣ យ៉ាងដូច្នេះ៕