ភ្នំពេញ៖ សម្តេចធិបតី ហ៊ុន ម៉ាណែត បានឱ្យក្រសួងរ៉ែនិងថាមពល និងក្រសួងពាណិជ្ជកម្ម ធ្វើការជាមួយក្រុមហ៊ុនផ្គត់ផ្គង់ប្រេងឥន្ធនៈលើពិភពលោក មានដូចជា Total, Caltex, PTT, Tela និងក្រុមហ៊ុនផ្សេងៗទៀត ដើម្បីគិតគូរលើការបម្រុងថាមពល សំដៅធានានិរន្តរភាពផ្គត់ផ្គង់ប្រេងនៅកម្ពុជា។ នេះបើតាមការលើកឡើងរបស់ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល។

ក្នុងមជ្ឈមណ្ឌលសហប្រតិបត្ដិការ កម្ពុជា-ជប៉ុន កាលពីថ្ងៃទី០៤ ខែតុលា ឆ្នាំ២០២៤ ថា ឯកឧត្តម កែវ រតនៈ បានបកស្រាយចម្ងល់ពលរដ្ឋលើមូលហេតុដែលកម្ពុជា មិនទិញប្រេងមកស្តុកទុកយ៉ាងដូច្នេះថា៖ «កម្ពុជា មិនចំណាយលុយរាប់ពាន់លានដុល្លារទិញប្រេងមកស្តុកទុកឡើយ ព្រោះមិនដឹងពេលវេលានៃតម្រូវការប្រើប្រាស់ជាក់លាក់។ លើសពីនេះ ការទិញប្រេងមកស្តុកនេះ នឹងប្រឈមមុខដែលរដ្ឋាភិបាលត្រូវតម្លើងពន្ធដល់ប្រជាពលរដ្ឋផងដែរ»។

សូមអញ្ជើញទស្សនាវីដេអូខ្លីអំពីប្រសាសន៍របស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ពាក់ព័ន្ធនឹងការផ្គត់ផ្គង់ប្រេងនៅកម្ពុជា ដូចតទៅ៖https://www.youtube.com/watch?v=G3lxej9GIw8