ភ្នំពេញ៖ ផលប្រយោជន៍ទី៣ នៃគម្រោង«ព្រែកជីកហ្វូណនតេជោ» នឹងអាចជម្លៀសបាននូវទឹកជំនន់នាទិសនិរតីរបស់កម្ពុជា ដែលធ្លាប់ជន់លិចកន្លងមកផងដែរ។ នេះជាការលើកឡើងរបស់សម្តេចតេជោ ហ៊ុន សែន ប្រធានព្រឹទ្ធសភា ដែលថ្លែងសារពិសេសតាមការឡាយផ្ទាល់លើបណ្តាញសង្គមហ្វេសប៊ុករបស់សម្តេច ពាក់ព័ន្ធព្រែកជីកហ្វូណនតេជោ។

សម្តេចតេជោប្រធានព្រឹទ្ធសភា បានថ្លែងនាថ្ងៃទី១៦ ខែឧសភា ឆ្នាំ២០២៤ ថា៖ «ការសាងសង់ ព្រែកជីកហ្វូណនតេជោ នឹងជួយកាត់បន្ថយបាននូវការលិចលង់នៅខេត្តមួយចំនួន ដូចជា កែប កំពត តាកែវ កណ្ដាល រួមទាំងខេត្តកំពង់ស្ពឺទៀតផង»។ សម្ដេចតេជោ ហ៊ុន សែន ក៏បានលើកឡើងបន្តថា ព្រែកជីកហ្វូណនតេជោនេះ នឹងជួយឱ្យប្រជាពលរដ្ឋទទួលបានផលត្រីនៅតាមដងព្រែកជីក ក្នុងនោះ ប្រជាពលរដ្ឋ ក៏អាចប្របករបរនេសាទ ឬ ចិញ្ចឹមត្រី ចិញ្ចឹមបង្កង ដើម្បីយកមកផ្គត់ផ្គង់តម្រូវការក្នុងគ្រួសារ ឬតម្រូវការទីផ្សារក្នុងស្រុកបន្ថែមទៀត៕https://www.youtube.com/watch?v=HUIz1vCIw9A