ភ្នំពេញ៖ តម្លៃលក់រាយប្រេងសាំងធម្មតាបានចុះថ្លៃ ១៥០រៀល នៅសល់ ៤,៣០០រៀល/លីត្រ រីឯតម្លៃប្រេងម៉ាស៊ូតចុះ ៥០រៀល គឺនៅត្រឹម ៤,០៥០រៀល/លីត្រ។ នេះបើតាមសេចក្តីជូនដំណឹងអំពីការកំណត់ថ្លៃលក់រាយប្រេងឥន្ធនៈ នៅតាមស្ថានីយទូទាំងប្រទេស ដែលក្រសួងពាណិជ្ជកម្មចុះផ្សាយនាថ្ងៃទី១១ ខែឧសភា ឆ្នាំ២០២៤នេះ។

បើតាមសេចក្តីប្រកាសរបស់ក្រសួងដដែល តម្លៃអតិបរមាលក់រាយប្រេងឥន្ធនៈនៅតាមស្ថានីយលក់រាយប្រេងឥន្ធនៈទាំងអស់នេះ គឺសម្រាប់អនុវត្តក្នុងរយៈពេលចំនួន១០ថ្ងៃ ចាប់ពីថ្ងៃទី១១ ដល់ថ្ងៃទី២០ ខែឧសភា ឆ្នាំ២០២៤ ខណៈដែលកាលពី ១០ថ្ងៃមុន សាំងធម្មតាមានតម្លៃ ៤៤៥០រៀល/លីត្រ និងប្រេងម៉ាស៊ូតមានតម្លៃ ៤១០០រៀល/លីត្រ៕