ភ្នំពេញ៖ សមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា បានផ្លាស់ប្តូរកាលបរិច្ឆេទ នៃកម្មវិធីសំណេះសំណាល និងពិសាអាហារសាមគ្គីមហាគ្រួសារសហគ្រាសធុនតូច មធ្យម (SMEs) និងសិប្បកម្មនៅកម្ពុជា ក្រោមអធិបតីភាពសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ពីថ្ងៃទី៥ ខែមេសា ទៅធ្វើនៅថ្ងៃទី២៧ ខែឧសភា ឆ្នាំ២០២៤វិញ។

បើតាមសេចក្តីជូនដំណឹង របស់សមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ក្នុងកម្មវិធី ដែលធ្វើនៅមជ្ឈមណ្ឌលសាលសន្និបាត និងពិព័រណ៍កោះពេជ្រ អគារ G, H, I, J និងK នឹងមានការរៀបចំពិព័រណ៌ផលិតផល SMEs របស់កម្ពុជាផងដែរ។ សាធារណជន ដែលមានបំណងចូលរួម និងតាំងបង្ហាញនូវផលិតផល ឬសេវាកម្មរបស់ខ្លួន អាចទំនាក់ទំនងមកកាន់លេខទូរសព្ទ ០៩៨ ៣៣១ ៥៣៦, ០៩៧ ៩៩៧ ៩២១០ និង០៩៥ ៨៣៨ ៣៥៥៕