ភ្នំពេញ៖ ឯកឧត្តមបណ្ឌិត យ៉ង សាំង កុមារ រដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ ដឹកនាំកិច្ចប្រជុំ​មន្ត្រីកសិកម្មឃុំក្នុងខេត្តត្បូងឃ្មុំ ដើម្បីពង្រឹងសេវាកម្មកសិកម្មនៅមូលដ្ឋាន និងគាំទ្រដល់កសិករ ជំរុញផលិតកម្មកសិកម្មដែលមានគុណភាពសុវត្ថិភាព និងថ្លៃដើមទាប ជាពិសេសលើដំណាំម្រេច ដែលជាដំណាំមានសក្តានុពល​សំខាន់​របស់ខេត្តត្បូងឃ្មុំ។

ប្រធានបទសំខាន់ៗលើកយកមកពិភាក្សា កាលថ្ងៃទី១០ ខែមីនា ឆ្នាំ២០២៦ រួមមាន៖ ពង្រឹងការអនុវត្តការងារ ដើម្បី​សម្រេចឱ្យបានល្អនូវសមិទ្ធកម្មឆ្នាំ២០២៦ ការបម្រើសេវាកម្មដល់កសិករ ការធ្វើ​បច្ចុប្បន្ន​ភាពស្ថិតិកសិកម្មឱ្យបានទៀងទាត់ និងទាន់ពេលវេលា និងតាមដាន ​ដោះស្រាយ​បញ្ហាប្រឈម ដែលកើតឡើងដោយសារឥទ្ធិពលភ្លៀងកក់ខែ ជាពិសេស​លើ​ដំណាំស្វាយចន្ទី និងទុរេន។

សូមជម្រាបថា កិច្ចប្រជុំនេះ មានការចូលរួមពី ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម លោកស៊ឹម ធី អនុប្រធានមន្ទីរកសិកម្ម ខេត្តត្បូងឃ្មុំ និងមន្ត្រីកសិកម្មឃុំទូទាំងខេត្តត្បូងឃុំ សរុបអ្នកចូលរួម​ប្រមាណ​ ៧០នាក់។ នេះបើតាមការចុះផ្សាយរបស់ក្រសួងកសិកម្ម៕