ភ្នំពេញ៖ កម្ពុជា ទទួលបានចំណូល ៩ ១៧៥ ២៧០ដុល្លារ ពីការលក់សំបុត្រជូនភ្ញៀវទេសចរអន្តរជាតិ ចូលទស្សនារមណីយដ្ឋានអង្គរ ក្នុងរយៈពេល ២ខែដំបូង ឆ្នាំ២០២៦ ធ្លាក់ចុះជាង ៣០,៣២% ធៀបនឹងឆ្នាំ២០២៥។ នេះបើយោងតាមរបាយការណ៍ របស់គ្រឹះស្ថានអង្គរ។

គ្រឹះស្ថានអង្គរ បញ្ជាក់ថា ក្នុងខែមករា និងខែកុម្ភៈ ឆ្នាំ២០២៦ ភ្ញៀវទេសចរអន្តរជាតិចំនួន ១៨៨ ៨៨៥នាក់ ទិញសំបុត្រចូលទស្សនារមណីយដ្ឋានអង្គរ កោះកែរ បេងមាលា ភ្នំក្បាលស្ពាន និងកំពង់ផែចុងឃ្លៀស ធ្លាក់ចុះ ៣២,៤៥% ធៀបនឹងរយៈពេល ២ខែ ឆ្នាំ២០២៥។

គួរបញ្ជាក់ថា ក្នុងមួយខែ កុម្ភៈ រមណីយដ្ឋានអង្គរ ទទួលបានទេសចរអន្តជាតិចំនួន ៩៥ ៣៩៤ នាក់ ធ្លាក់ចុះ ២៨,៥២% និងទទួលបានចំណូល ៤ ៦៥២ ៤៩៣ដុល្លារ ធ្លាក់ចុះ ២៥,៧៣%៕