ភ្នំពេញ៖ ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អំពាវនាវដល់បងប្អូនអ្នកសារព័ត៌មាន និងអ្នកប្រើប្រាស់បណ្តាញសង្គមគ្រប់ប្រភេទ កុំចែករំលែកព័ត៌មាន រូបភាព វីដេអូ ដែលមិនមានប្រភពច្បាស់លាស់ ជាពិសេសរូបភាព ឬព័ត៌មានដែលបង្ហាញពីសកម្មភាពកងទ័ព លេណដ្ឋាន ការចល័តកម្លាំងទ័ព និងគ្រឿងសព្វាវុធគ្រប់ប្រភេទ។

ជាមួយគ្នានេះ ឯកឧត្តម នេត្រ ភក្រ្តា ណែនាំឱ្យសាធារណជន ត្រូវតាមដានប្រភពព័ត៌មានផ្លូវការទាក់ទងនឹងសមរភូមិយោធានៅតំបន់ព្រំដែន មានប្រភព ៤ សំខាន់ដែលជាប្រភពផ្លូវការរួមមាន៖ ១, ថ្នាក់ដឹកនាំកំពូលរបស់ជាតិ ២, ក្រសួងការពារជាតិ ៣, ក្រសួងការបរទេសនិងសហប្រតិបត្តិការអន្តរជាតិ និង៤, អង្គភាពអ្នកនាំពាក្យរាជរដ្ឋាភិបាលកម្ពុជា ដែលជាប្រភពផ្លូវ ក្រៅពីនោះ គឺមិនមែនជាព័ត៌មានផ្លូវការទេ។ នេះបើយោងតាមគេហទំព័រផ្លូវការរបស់ ឯកឧត្តម នេត្រ ភក្រ្តា៕