ភ្នំពេញ៖ អគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ច និងហិរញ្ញវត្ថុ ដាក់ឱ្យអនុវត្តន៍ប្រព័ន្ធ SARMIS ជំនាន់ថ្មី បំពាក់នូវមុខងារ Single Sign-On (SSO) ដោយប្រើប្រាស់បច្ចេកវិទ្យាផ្ទៀងផ្ទាត់ អត្តសញ្ញាណតាមរយៈផ្ទាល CamDigiKey ជាផ្ទាលផ្ទៀងផ្ទាត់អត្តសញ្ញាណឌីជីថលរបស់រាជរដ្ឋាភិបាល ដើម្បីពង្រឹងប្រសិទ្ធភាព និងសុវត្ថិភាពប្រព័ន្ធ។ នេះបើយោងតាមសេចក្តីជូនដំណឹងពីក្រសួងសេដ្ឋកិច្ច និងហិរញ្ញវត្ថុ។

អគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ ណែនាំឱ្យអ្នកប្រើប្រាស់ប្រព័ន្ធ SARMIS ជំនាន់ថ្មីទាំងអស់ ត្រូវចាប់ផ្តើមដំឡើង និងបង្កើតគណនីក្នុងថ្នាល CamDigiKey ក្នុងទូរសព្ទដៃ ដើម្បីធ្វើការស្កែនចូលប្រើប្រាស់ប្រព័ន្ធ SARMIS ជំនាន់ថ្មី។ ចំពោះរបៀបដំឡើង និងរបៀបប្រើប្រាស់ថ្នាល CamDigiKey អ្នកប្រើប្រាស់ប្រព័ន្ធ SARMIS ជំនាន់ថ្មីទាំងអស់ អាចទស្សនាវីដេអូណែនាំស្តីពីការប្រើប្រាស់តាមរយៈ តំណលីង https://youtu.be/yj9PnICJn1Y?si=2SqKY-p-IjaNrJkq និងរបៀបប្រើប្រាស់ដូចបានភ្ជាប់៕