ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានប្រកាសបិទការនាំចូលទំនិញពីថៃ ក្នុងករណីភាគីថៃ មិនព្រមបើកច្រកព្រំដែន ដែលខ្លួនបិទជាឯកតោភាគី។ ពាក់ព័ន្ធនឹងបញ្ហានេះ ឯកឧត្តម ឃឹម ហ្វីណង់ អ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ លើកឡើងដូច្នេះថា៖ «នេះជាឱកាសបង្កើនការគាំទ្រដល់កសិផលក្នុងស្រុក»។

បើតាមមតិយោបល់របស់ ឯកឧត្តម ឃឹម ហ្វីណង់ ដែលបានចែករំលែកលើគេហទំព័រហ្វេសប៊ុក នាថ្ងៃទី១៣ ខែមិថុនា ឆ្នាំ២០២៥ ចំពោះដំណាំពោត និងដំឡូងមី ត្រូវជំរុញកែច្នៃឱ្យទៅជាធាតុចូលសម្រាប់ផលិតកម្មចំណីសត្វ ដើម្បីបម្រើឱ្យអនុវិស័យចិញ្ចឹមត្រី-សត្វក្នុងស្រុកវិញ ហើយនេះក៏ជាឱកាសដ៏មានសក្តាពុលធំផងដែរ។ គួរបញ្ជាក់ថា សម្តេចតេជោ ហ៊ុន សែន ក៏បានស្នើឱ្យកម្ពុជា ត្រៀមទិញទំនិញ ដែលភាគច្រើនជាកសិផលរបស់ប្រជាជនធ្លាប់លក់ឱ្យថៃ ដោយខិតខំរកទីផ្សាជូនប្រជាជនទាំងក្នុងស្រុក និងក្រៅស្រុក៕