ភ្នំពេញ៖ ក្រសួងពាណិជ្ជកម្ម និង Guangxi International Business Vocational College (GIBVC) នឹងជំរុញកិច្ចសហប្រតិបត្តិការផ្តោតលើវគ្គបណ្តុះបណ្តាល ការអភិវឌ្ឍន៍ធនធានមនុស្ស និងកម្មវិធីអាហារូបករណ៍។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី៣១ ខែឧសភា ឆ្នាំ២០២៥។

ជាមួយគ្នានេះ ភាគីទាំងពីរ ក៏បានពិភាក្សាអំពីលទ្ធភាពនៃរៀបចំកម្មវិធីបណ្តុះបណ្តាលដែលសម្រាប់សហគ្រាសនៅកម្ពុជា និងការអភិវឌ្ឍកម្មវិធីសិក្សារួមគ្នាក្នុងពាណិជ្ជកម្មឌីជីថល និងពាណិជ្ជកម្មអន្តរជាតិ និងឱកាសកសាងសមត្ថភាពសម្រាប់មន្ត្រីក្រសួងពាណិជ្ជកម្ម។

កិច្ជពិភាក្សានេះ ធ្វើឡើងរវាងលោកជំទាវ សុមេធ សុមនា អនុរដ្ឋលេខាធិការក្រសួងពាណិជ្ជកម្ម និងលោកស្រី Zhao Diqiong អនុប្រធាន GIBVC ដោយមានការអញ្ជើញចូលរួមមន្ត្រីបច្ចេកទេសនៃអគ្គនាយកដ្ឋានជំរុញពាណិជ្ជកម្ម វិទ្យាស្ថានបណ្តុះបណ្តាល និងស្រាវជ្រាវពាណិជ្ជកម្ម (TTRI) និងនាយកដ្ឋានកិច្ចការបុគ្គលិក៕