ភ្នំពេញ៖ ឯកឧត្តមអភិបាលខេត្តស្វាយរៀង ឯកឧត្តម ប៉េង ពោធិ៍សា ចុះពិនិត្យទីតាំងសួនច្បារមាត់ទន្លេវ៉ៃគោ ក្រុងស្វាយរៀង ដើម្បីត្រៀមរៀបចំពិធីប្រណាំងទូក ដែលគ្រោងនឹងរៀបចំនៅថ្ងៃទី១៨-១៩ ខែវិច្ឆិកា ឆ្នាំ២០២៣។

បើតាមគម្រោង រដ្ឋបាលខេត្តស្វាយរៀង នឹងរៀបចំឱ្យមានការប្រណាំងទូកខ្នាតអន្តរជាតិ និងទូកក្ដារបីសន្លឹក នៅទន្លេវ៉ៃគោ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ដែលជាពិធីបុណ្យប្រពៃណីជាតិខ្មែរ និងបង្ករបរិយាកាសសប្បាយរីករាយដល់ប្រជាពលរដ្ឋ ដែលមកចូលរួមទស្សនា។

រដ្ឋបាលខេត្ត អំពាវនាវដល់ប្រជាពលរដ្ឋទាំងអស់ចូលរួមទស្សនាឲ្យបានច្រើនកុះករ ដើម្បីឱ្យពិធីប្រណាំងទូកនាឆ្នាំនេះ ប្រព្រឹត្តទៅក្នុងបរិយាកាសសប្បាយរីករាយ មានភាពអធិកអធម្ម និងទទួលបានជោគជ័យ៕