ភ្នំពេញ៖ សហគ្រិនខ្មែរ រៀបចំកម្មវិធីមគ្គទេសក៍សហគ្រិនថ្មី រដូវកាលទី២ ដើម្បីផ្តល់វិធីសាស្ត្រទាក់ទាញអតិថិជនទីមួយយ៉ាងឆាប់រហ័សដល់សហគ្រិន ក្នុងគោលដៅពង្រឹងធុរកិច្ចថ្មីនៅកម្ពុជា‌‌។ នេះបើតាមការចុះផ្សាយរបស់ សហគ្រិនខ្មែរ នាថ្ងៃទី៧ ខែឧសភា ឆ្នាំ២០២៥។

កម្មវិធីមគ្គទេសក៍សហគ្រិនថ្មី រដូវកាលទី២ នឹងជួយឱ្យសហគ្រិន អភិវឌ្ឍន៍ផ្នត់គំនិត ដែលជំរុញដល់ការលូតលាស់, ធ្វើតេស្តសាកល្បងផលិតផលដោយភាពវៃឆ្លាត, វិធីសាស្ត្រទាក់ទាញអតិថិជនទីមួយយ៉ាងឆាប់រហ័ស និងដុសខាត់ជំនាញធ្វើបទបង្ហាញជាសាធារណៈ ដើម្បីភាពជោគជ័យ។ សហគ្រិនថ្មី ដែលមានបំណងចូលរួមក្នុងកម្មវិធីខាងលើ អាចដាក់ពាក្យតាមរយៈតំណភ្ជាប់ https://www.2080.ventures/cambodia-program ត្រឹមថ្ងៃទី៣០ ខែឧសភា ឆ្នាំ២០២៥។

កម្មវិធីមគ្គទេសក៍សហគ្រិនថ្មី គឺជាកម្មវិធីអភិវឌ្ឍន៍ធុរកិច្ចថ្មី រយៈពេល ១២សប្តាហ៍ ដែលត្រូវបានរៀបចំឡើង ដើម្បីជួយដល់ធុរកិច្ចថ្មីស្ថិតក្នុងដំណាក់កាលចាប់ផ្ដើម បង្កើតផលិតផលថ្មីមានមុខងារអប្បបរមា (MVP) ចាប់យកអតិថិន និងរៀបចំស្វែងរកទុន។ កម្មវិធីនេះ ក៏នឹងជួយដល់ធុរកិច្ចថ្មីកែលម្អ និងពង្រឹងយុទ្ធសាស្ដ្រកំណើនដំណាក់កាលដំបូង ដោយកម្មវិធី ផ្ដោតសំខាន់លើការបង្វឹកស្ថាបនិក ដើម្បីអភិវឌ្ឍន៍ផ្នត់គំនិតកំណើន ពិសោធជាបន្តបន្ទាប់សម្រាប់វឌ្ឍភាព ពន្លឿនការចាប់យក និងការរក្សាអតិថិជន ព្រមទាំងដុសខាត់ជំនាញប្រតិបត្តិការធុរកិច្ចថ្មី៕