ភ្នំពេញ៖ កម្ពុជា-វៀតណាម កំពុងរួមចំណែកជំរុញពាណិជ្ជកម្មទ្វេភាគី និងកិច្ចសហប្រតិបត្តិការសេដ្ឋកិច្ចឱ្យកាន់តែរីកចម្រើនរវាងប្រទេសវៀតណាមនិងកម្ពុជា និងជាឱកាសណែនាំអំពីផលិតផលរបស់ក្រុមហ៊ុននីមួយៗ។ នេះបើតាមការចុះផ្សាយរបស់សភាពាណិជ្ជកម្មកម្ពុជា កាលពីថ្ងៃទី០៣ ខែមេសា ឆ្នាំ២០២៥។

ក្នុងជំនួបរវាងលោកស្រី Le Thi Mai Anh តំណាងក្រសួងឧស្សាហកម្ម និងពាណិជ្ជកម្មវៀតណាម និងឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ក៏បានពិភាក្សាអំពីការជំរុញឱ្យធុរកិច្ច និងម្ចាស់ក្រុមហ៊ុននៃប្រទេសទាំងពីរ បានស្វែងយល់អំពីការវិនិយោគ និងឱកាសអាជីវកម្មក្នុងទីផ្សាររបស់ប្រទេសទាំងពីរផងដែរ៕