ភ្នំពេញ៖ បូតណេត ឬ Botnet គឺជាបណ្តាញនៃឧបករណ៍កុំព្យូទ័រដែលត្រូវបានគ្រប់គ្រងពីចម្ងាយ។ ឧបករណ៍ដែលឆ្លងមេរោគនេះ អាចប្រតិបត្តិការដោយគ្មានការអនុញ្ញាតពីម្ចាស់ និងត្រូវបានប្រើសម្រាប់សកម្មភាពខុសច្បាប់។

ដើម្បីការពារខ្លួនពី Botnet និងការចូលគ្រប់គ្រងឧបករណ៍ដោយមិនមានការអនុញ្ញាត សាធារណជនត្រូវធ្វើដូចជា៖ ទី១.ត្រូវធ្វើបច្ចុប្បន្នភាពកម្មវិធីប្រឆាំងមេរោគ មានន័យថាត្រូវធ្វើបច្ចុប្បន្នភាពបណ្តាញការពារ និងស្កេនឧបករណ៍ជាទៀងទាត់។ ទី២.ប្រយ័ត្នពេលបើកឯកសារភ្ជាប់ (Email Attachments & Links) កុំចុចលើឯកសារមិនស្គាល់ និងប្រើប្រាស់ sandbox ដើម្បីពិនិត្យមុន។

ទី៣.ធ្វើបច្ចុប្បន្នភាពកម្មវិធីទាំងអស់ (Software & OS Updates) ដើម្បីបិទចន្លោះភាពងាយរងគ្រោះផ្នែកសុវត្ថិភាព (security vulnerabilities), ទី៣.ប្រើប្រាស់កម្មវិធីច្រោះអ៊ីនធឺណិត (Firewall & Secure Browsing) ប្រើ firewall និង browser plugins ដើម្បីរារាំងសកម្មភាពអាសន្ន។ ទី៤. ផ្លាស់ប្ដូរពាក្យសម្ងាត់ជានិច្ច (Strong & Unique Passwords) ប្រើ 2FA និងកុំប្រើពាក្យសម្ងាត់ដូចគ្នាទាំងអស់ និងទី៥. គ្រប់គ្រងការភ្ជាប់បណ្តាញ (Network Security) បិទ port មិនចាំបាច់ និងប្រើ VPN នៅពេលភ្ជាប់ Wi-Fi សាធារណៈ៕