ភ្នំពេញ៖ ក្រសួងពាណិជ្ជកម្ម លើកទឹកចិត្តឱ្យពាណិជ្ជករ និងសាធារណជន ទៅចូលរួមពិព័រណ៍ចំនួន២ នៅប្រទេសប៉ាគីស្ថាន ដែលជាព្រឹត្តិការណ៍មួយផ្ដល់ឱ្យក្រុមហ៊ុនជាតិ និងអន្តរជាតិនូវវេទិកា B2B ពាក់ព័ន្ធនឹងការនាំចេញ, ការវិនិយោគ, ការបណ្តាក់ទុនរួមគ្នា និងឱកាសអាជីវកម្មជាច្រើន។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៤ ខែមីនា ឆ្នាំ២០២៥។

ពិព័រណ៍ចំនួន២ នោះ មានដូចជា៖ ទី១.ពិព័រណ៍ ITCN Asia លើកទី២៦ ប្រព្រឹត្តទៅចាប់ពីថ្ងៃទី៩-១១ ខែឧសភា ឆ្នាំ២០២៥ នៅមជ្ឈមណ្ឌលពិព័រណ៍ Lahore និងទី២.ពិព័រណ៍ ITCN Asia លើកទី២៧ ប្រព្រឹត្តទៅចាប់ពីថ្ងៃទី២៣-២៥ ខែកញ្ញា ឆ្នាំ២០២៥ នៅមជ្ឈមណ្ឌលពិព័រណ៍ Karachi។

ចំពោះ ពាណិជ្ជករ និងសាធារណជន ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទំនាក់ទំនងមកមន្ត្រីសម្របសម្រួលតាមរយៈទូរសព្ទលេខ ០១២ ៧៧៧ ៩៥៩ / ០១៧ ៩៦០ ២០០ ឬអ៊ីម៉ែល [email protected] / [email protected] ឬ link: https://files.itcnasia.com/1 ៕