ភ្នំពេញ៖ សហគ្រិនខ្មែរ ប្រកាសបើកសម្ពោធដំណើរការកម្មវិធី «ធុរកិច្ចជំនាន់ថ្មី ជុំទី៣» ក្នុងគោលបំណងជួយឱ្យសហគ្រិន និងម្ចាស់អាជីវកម្ម ពង្រឹងសមត្ថភាព និងជំនាញគ្រប់គ្រងអាជីវកម្ម ដែលអាចអភិវឌ្ឍន៍ការប្រតិបត្តិការ ការគ្រប់គ្រង បង្កើនការលក់ ការធ្វើទីផ្សារ និងផ្នែកផ្សេងទៀតៗ ដើម្បីឱ្យអាជីវកម្មដំណើរការទៅដោយរលូន និងរីកចម្រើន។

កម្មវិធីធុរកិច្ចជំនាន់ថ្មី ដែលជាបណ្តុំវគ្គបណ្តុះបណ្តាល និងសិក្ខាសាលានេះ នឹងលើកកម្ពស់ជំនាញគ្រប់គ្រងអាជីវកម្ម និងសមត្ថភាពរបស់ម្ចាស់អាជីវកម្ម ដោយក្នុងនោះសហគ្រិន នឹងអាចធ្វើឱ្យប្រសើរឡើងនូវការគ្រប់គ្រង និងប្រតិបត្តិការជាប្រព័ន្ធ តាមរយៈវគ្គសិក្សាចម្រុះ ដែលជួយក្នុងការយល់ដឹងពីទិដ្ឋភាពផ្សេងៗនៃអាជីវកម្មរបស់អ្នក។

កម្មវិធី «ធុរកិច្ចជំនាន់ថ្មី ជុំទី៣» នេះ នឹងប្រព្រឹត្តឡើង នាថ្ងៃទី១៧ ខែមីនា ឆ្នាំ២០២៥ វេលាម៉ោង ២ ដល់ម៉ោង ៥៖៣០រសៀល នៅមជ្ឈមណ្ឌលអភិវឌ្ឍន៍អាជីវកម្ម (BDC) ជាន់ទី៩។ ចំពោះព័ត៌មានបន្ថែម អាចទំនាក់ទំនងមកលេខ ០៣១ ៤៨០ ០៨៨៨ ឬអ៊ីម៉ែល [email protected] ៕