ភ្នំពេញ៖ នីតិវិធី នៃការចុះបញ្ជីអាជីវកម្មតាមប្រព័ន្ធបច្ចេកវិទ្យាព័ត៌មាន អាចចំណាយពេល ៨ថ្ងៃ នៃថ្ងៃធ្វើការ។ នេះបើតាមព្រឹត្តិបត្រស្រាវជ្រាវអេឡិចត្រូនិក (iTrade Bulletin) វ៉ុល០១ លេខ០១ ជាភាសាខ្មែរ និងអង់គ្លេស សម្រាប់ខែកុម្ភៈ ឆ្នាំ២០២៥ របស់ក្រសួងពាណិជ្ជកម្ម។

ក្នុងរយៈពេល ៨ថ្ងៃនោះ រួមមាន៣ថ្ងៃ គឺដើម្បីទទួលបានវិញ្ញាបនបត្រឌីជីថល ពីក្រសួងពាណិជ្ជកម្ម, ៤ថ្ងៃ ដើម្បីទទួលបានវិញ្ញាបនបត្រឌីជីថល ពីអគ្គនាយកដ្ឋានពន្ធដារ និងដើម្បីទទួលបានវិញ្ញាបនបត្រឌីជីថលពីក្រសួងការងារ និងបណ្តុះបណ្តាលវិជ្ជាជីវៈ និងប.ស.ស គឺប្រើរយៈពេល ១ថ្ងៃទៀត៕