ភ្នំពេញ៖ ភាពអ្នកដឹកនាំបែប Reactive គឺជាវិធីសាស្រ្ដដឹកនាំ ដែលផ្ដោតលើការដោះស្រាយបញ្ហាប្រឈមចំពោះមុខជាចម្បង និងគិតពីលទ្ធផលភ្លាមៗ ជាជាងត្រៀមផែនការទុកមុន។ សហគ្រិនខ្មែរ បានបកស្រាយពីលក្ខណៈពិសេសនូវរបៀបធ្វើការជាក្រុម ការអនុវត្តសកម្មភាព និងការសម្រេចចិត្ត របស់អ្នកដឹកនាំបែប «Reactive» ដូចខាងក្រោម៖

អ្នកដឹកនាំបែប Reactive គឺផ្ដោតលើការចាត់ចែងការងារឱ្យតាមជំនាញរបស់សមាជិកក្រុម ហើយអនុវត្តសកម្មភាពតែម្ដង ព្រមទាំងចេញប្រតិបត្តិការភ្លាមៗ ដើម្បីដើរឱ្យទាន់ពេលវេលា ហើយប្រសិនបើមានបញ្ហា ពួកគេនឹងដោះស្រាយបញ្ហាធំមុនគេ និងបញ្ហាតូចៗជាបន្តបន្ទាប់។

សម្រាប់ការដឹកនាំបែប Reactive នេះដែរ គឺរាល់ការសម្រេចចិត្តស្ថិតលើប្រធានក្រុម ឬអ្នកដែលមានឥទ្ធិពលជាងគេនៅក្នុងក្រុម។ សហគ្រិនខ្មែរ ឱ្យដឹងថា បើក្រុមរបស់អ្នកមានរចនាសម្ព័ន្ធជាក់លាក់ ការដឹកនាំបែប Reactive នឹងជួយអ្នកឱ្យអនុវត្ត និងសម្រេចលទ្ធផលបានលឿន៕