ភ្នំពេញ៖ យុទ្ធសាស្ត្រកៀរគរចំណូល របស់រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវវិធានការគន្លឹះបន្ថែម ក្នុងការដោះស្រាយបញ្ហាប្រឈម ដែលកំពុងកើតមានទៅតាមប្រភេទពន្ធ រួមមាន៖ ពន្ធលើប្រាក់ចំណូល, ពន្ធលើប្រាក់ចំណូលរូបវន្តបុគ្គល, អាករពិសេស អាករលើតម្លៃបន្ថែម, ពន្ធពាក់ព័ន្ធនឹងអចលនទ្រព្យ, របបលើកទឹកចិត្តពន្ធក្រោមច្បាប់ស្តីពី វិនិយោគ ការអភិវឌ្ឍសហគ្រាសធុន តូច និងមធ្យម និងពិនិត្យលើប្រភេទពន្ធពីរថ្មីទៀត គឺពន្ធលើសេវាកម្មឌីជីថល និងពន្ធលើការបំភាយកាបូន។

បន្ថែមលើនេះ យុទ្ធសាស្ត្រកៀរគរចំណូល របស់រាជរដ្ឋាភិបាល ក៏បានដាក់ចេញនូវវិធានការគោលនយោបាយពន្ធរយៈពេលខ្លី និងមធ្យម ដើម្បីរៀបចំកែសម្រួលគោលនយោបាយពន្ធផងដែរ។ ការធ្វើវិចារណកម្មគោលនយោបាយពន្ធ គឺដើម្បីរួមចំណែកក្នុងការគាំទ្រដល់ការអភិវឌ្ឍសេដ្ឋកិច្ចជាតិ តាមរយៈការកាត់បន្ថយកម្មវិបាកលើសេដ្ឋកិច្ច និងការលើកកម្ពស់ការវិនិយោគ និងភាពប្រកួតប្រជែង នៃសេដ្ឋកិច្ចកម្ពុជា ព្រមទាំងបង្កើនការប្រមូលចំណូល ដែលនៅមានសក្តានុពល និងលើកកម្ពស់សមធម៌ នៃការបង់ពន្ធ៕

ប្រភពពីសៀវភៅ៖ យុទ្ធសាស្ត្រកៀរគរចំណូល របស់រាជរដ្ឋាភិបាលនីតិកាលទី៧នៃរដ្ឋសភា