ភ្នំពេញ៖ និយ័តករមូលបត្រកម្ពុជា (ន.ម.ក.) ផ្តល់ការអនុញ្ញាតឱ្យក្រុមហ៊ុន អេជី ហ្វាន់ មេនេចម៉ិន ម.ក ដើម្បីចែកចាយលក់ ទិញត្រឡប់មកវិញ ឬទូទាត់សង។ ក្រុមហ៊ុននេះ មានអាសយដ្ឋានទីស្នាក់ការកណ្តាល ស្ថិតនៅអគារលេខ ១៥៥ (អគារ TK Royal One) បន្ទប់លេខ ៣-E1 មហាវិថីសហព័ន្ធរុស្សី (១១០) និងផ្លូវ១២២ ភូមិ៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

បច្ចុប្បន្ន និយ័តករមូលបត្រកម្ពុជា (ន.ម.ក.) បានផ្តល់ការអនុញ្ញាត ដល់ក្រុមហ៊ុនចែកចាយលក់ ទិញត្រឡប់មកវិញ ឬទូទាត់សងចំនួន ៧ក្រុមហ៊ុន ដោយក្នុងនោះសាធារណជន អាចចុចតំណភ្ជាប់ https://www.serc.gov.kh/khmer/m52.php?pn=6 ឬស្កែន QR Code ដើម្បីមើលបញ្ជីឈ្មោះក្រុមហ៊ុនទាំងអស់ ដែលទទួលបានការអនុញ្ញាតពីន.ម.ក.។ នេះបើតាមសេចក្តីជូនដំណឹង ស្តីពីការផ្តល់ការអនុញ្ញាតក្រុមហ៊ុនចែកចាយលក់ ទិញត្រឡប់មកវិញ ឬទូទាត់សង របស់ន.ម.ក. ចេញផ្សាយកាលថ្ងៃទី១៤ ខែកុម្ភៈ ឆ្នាំ២០២៥៕