ភ្នំពេញ៖ «ប្រព័ន្ធអេកូឡូស៊ីឌីជីថល នៃក្រសួងសេដ្ឋកិច្ច និងហិរញ្ញវត្ថុ» គឺជាសំណុំនៃប្រព័ន្ធបច្ចេកវិទ្យាព័ត៌មាន ដែលស្ថិតនៅក្នុងក្របខ័ណ្ឌនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និងសំណុំនៃប្រព័ន្ធបច្ចេកវិទ្យាព័ត៌មានផ្សេងទៀត។

ប្រព័ន្ធបច្ចេកវិទ្យាព័ត៌មានទាំងនោះ ត្រូវបានអភិវឌ្ឍន៍ និងប្រតិបត្តិដាច់ដោយឡែកពីគ្នា ហើយមួយចំនួនមានលទ្ធភាពក្នុងការធ្វើអន្តរប្រតិបត្តិការជាមួយគ្នាទៅវិញទៅមក ខណៈមួយចំនួនទៀតនៅមិនទាន់អាចធ្វើបាននៅឡើយ។ ប្រព័ន្ធបច្ចេកវិទ្យាព័ត៌មាន មានតួនាទីនិងមុខងារសំខាន់រៀងៗខ្លួន និងបានរួមចំណែកយ៉ាងសំខាន់ តាមរយៈការបង្កើនប្រសិទ្ធភាពដល់កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និងការគ្រប់គ្រងវិស័យសេដ្ឋកិច្ច និងហិរញ្ញវត្ថុ ដែលមានគោលបំណង គោលនយោបាយធំ ២របស់ក្រសួងសេដ្ឋកិច្ច និងហិរញ្ញវត្ថុ។

ប្រភពពីសៀងភៅ៖ ក្របខ័ណ្ឌនិម្មាបនកម្មប្រព័ន្ធបច្ចេកវិទ្យាព័ត៌មានក្រសួងសេដ្ឋកិច្ច និងហិរញ្ញវត្ថុ