ភ្នំពេញ៖ ក្រុមហ៊ុនធុរកិច្ចថ្មី និងសហគ្រិនឌីជីថលចំនួន ៣០ក្រុមហ៊ុន ប្រមាណ ៨៣នាក់ បានចូលរួមសិក្ខាសាលាស្ដីពី ការរៀបចំ និងពង្រឹងសន្តិសុខឌីជីថលសម្រាប់ក្រុមហ៊ុនធុរកិច្ចថ្មី និងសហគ្រិនឌីជីថល ដើម្បីពិភាក្សាអំពីនិន្នាការបញ្ហាប្រឈម ហានិភ័យ វិធីសាស្រ្តក្នុងការបង្ការ គ្រប់គ្រង និងការគំរាមកំហែងសន្តិសុខសាយប័រ។

សិក្ខាសាលាស្ដីពី ការរៀបចំ និងពង្រឹងសន្តិសុខឌីជីថលនេះ ត្រូវបានរៀបចំដោយក្រសួងប្រៃសណីយ៍និងទូរគមនាគមន៍ កាលពីថ្ងៃទី១ ខែកុម្ភៈ ឆ្នាំ២០២៥ ដើម្បីរៀបចំផែនការក្នុងការធានាសុវត្ថិភាព និងសន្តិសុខលើការគ្រប់គ្រង និងប្រតិបត្តិការ។

តាមការចុះផ្សាយរបស់ក្រសួងប្រៃសណីយ៍ នាថ្ងៃទី០៣ ខែកុម្ភៈ សិក្ខាសាលាខាងលើ ក៏រួមបញ្ចូលការធ្វើបទបង្ហាញពីវាគ្មិនកិត្តិយស ការអនុវត្តផ្ទាល់ (Demo) និងការរៀបចំផែនការក្នុងការប្រើប្រាស់ប្រព័ន្ធឌីជីថលរបស់ក្រុមហ៊ុនធុរកិច្ចថ្មី និងសហគ្រិនឌីជីថលសមស្របទៅតាមឧត្តមានុវត្តន៍តំបន់និងសកលផងដែរ៕