ភ្នំពេញ៖ អគ្គនាយកដ្ឋានបច្ចេកវិទ្យាឌីជីថល ប្រាប់ពីវិធីសាស្ត្រក្នុងការការពារប្រព័ន្ធកាមេរ៉ាសុវត្ថិភាព ដែលឧក្រិដ្ឋជនបច្ចេកវិទ្យាបានប្រមូល និងលួចទិន្នន័យរូបភាពរបស់ប្រជាពលរដ្ឋ រួមមាន៖ រូបថត និងវីដេអូអាក្រាតកាយ ចែកចាយ និងលក់នៅប្រព័ន្ធអ៊ីនធឺណែត ដែលជនខិលខូចបានប្រើបច្ចេកទេស លួចបង្កប់កាមេរ៉ាសុវត្ថិភាពនៅតាមបន្ទប់ទឹកសាធារណៈ និងប្រើប្រាស់ម៉ាស៊ីន។

វិធីសាស្ត្រដែលអគ្គនាយកដ្ឋានបច្ចេកវិទ្យាឌីជីថលបានណែនាំនេះ មានដូចជា៖ កំណត់លេខសម្ងាត់ឱ្យបានត្រឹមត្រូវ, ប្តូរលេខសម្ងាត់ឱ្យបានទៀងទាត់, ធ្វើបច្ចុប្បន្នភាពលើប្រព័ន្ធកាមេរ៉ាសុវត្ថិភាព (Software Camera) ឱ្យបានទៀងទាត់, ត្រួតពិនិត្យជុំវិញខ្លួនលោកអ្នករៀងរាល់ពេលផ្លាស់ប្តូរសម្លៀកបំពាក់នៅតាមទីសាធារណៈ ឬនៅក្នុងផ្ទះ និងរាយការណ៍មកសមត្ថកិច្ច ប្រសិនបើបានជួប ឬឃើញកាមេរ៉ាសុវត្ថិភាពមិនប្រក្រតីនៅតាមទីសាធារណៈ ឬក្នុងបន្ទប់ទឹក៕