ភ្នំពេញ៖ យានយន្តចំនួន ៤១៣,០៦៧គ្រឿង បានចុះបញ្ជីនៅក្រសួងសាធារណការ និងដឹកជញ្ជូន ក្នុងនោះមានម៉ូតូចំនួន ៣៥៣,៦០៣គ្រឿង, រថយន្តធុនស្រាលចំនួន ៥៤,៦៩២គ្រឿង និងរថយន្តធុនធ្ងន់ចំនួន ៥,៨៤១គ្រឿង ក្នុងរយៈពេល១២ខែ ឆ្នាំ២០២៤។

បើតាមការលើកឡើងរបស់ ឯកឧត្តម ផន រឹម អ្នកនាំពាក្យក្រសួងសាធារណការ ក្នុងអំឡុងខែកញ្ញា នៃឆ្នាំ២០២៤ មានម៉ូតូ និងរថយន្តធុនស្រាល ចុះបញ្ជីច្រើនជាងគេនៅក្រសួងសាធារណការ ខណៈដែលរថយន្តធុនធ្ងន់ចុះបញ្ជីច្រើនជាងគេនៅអំឡុងខែមករា។ ឯកឧត្តម ផន រឹម បញ្ជាក់ថា ការចុះបញ្ជីម៉ូតូ និងរថយន្តធុនស្រាល មានការកើនឡើង ខណៈដែលតួលេខចុះបញ្ជីរថយន្តធុនធ្ងន់ធ្លាក់ចុះ ១៤% បើប្រៀបធៀបរយៈពេលដូចគ្នា ក្នុងឆ្នាំ២០២៣៕