ភ្នំពេញ៖ មានរយៈពេល ០៨ថ្ងៃប៉ុណ្ណោះ ដែលរដូវត្រូវត្រីប្រហុកនឹងផុតទៅវិញ ពោលគឺចាប់តាំងពីថ្ងៃទី០២ ដល់ ១០ ខែមករា ឆ្នាំ២០២៥នេះ។ ប្រជានេសាទផ្ទាល់ ឬជាឈ្មួញកណ្តាលបានយកឱកាសនេះ ជ្រើសរើសយកត្រីដែលល្អ ដើម្បីកាត់ក្បាលឱ្យបានស្អាតបាតសម្រាប់លក់បានក្នុងតម្លៃជាងត្រីដែលទើបអូសបានពីដាយ។

អ្នកប្រកបរបរធ្វើត្រីប្រហុក នៅម្តុំគីឡូម៉ែត្រលេខ៩ ខណ្ឌឫស្សីកែវ រាជធានីភ្នំពេញ កាលពីថ្ងៃទី០៦ មករា បានឱ្យដឹងថា ត្រីដែលបានធ្វើរួចនោះអាចលក់បានក្នុងតម្លៃ៧ពាន់រៀលក្នុងមួយគីឡូក្រាម ជាតម្លៃដែលអ្នកប្រកបរបរតាមរដូវកាលទាំងនោះ អះអាងថាជាតម្លៃសមរម្យសម្រាប់ប្រជាពលរដ្ឋចង់បានត្រីដែលធ្វើរួចជាស្រេច ខណៈដែលក្នុងមួយថ្ងៃក្រុមខ្លះអាចធ្វើត្រីលក់បានរហូតដល់ទៅប្រមាណ១០០គីឡូក្រាម៕

នាំមកជូនដោយ