ភ្នំពេញ៖ សហគ្រិនខ្មែរ ជ្រើសរើសដៃគូជាអ្នកដេញថ្លៃ ដែលមានបទពិសោធច្បាស់លាស់ក្នុងការអនុវត្តកម្មវិធី ដើម្បីចូលរួមដាក់ពាក្យផ្ដល់សេវាកម្មរៀបចំ «កម្មវិធីបណ្ដុះបណ្ដាលស្ដង់ដារសុវត្ថិភាពចំណីអាហារសម្រាប់សហគ្រាសធុនតូច និងមធ្យម (SMEs)»។

ដៃគូ ដែលមានចំណាប់អារម្មណ៍ផ្ដល់សេវាកម្មរៀបចំកម្មវិធីខាងលើនេះ អាចដាក់ពាក្យមកកាន់សហគ្រិនខ្មែរ តាមរយៈតំណភ្ជាប់ https://forms.gle/LbBUGjqiM5tqhbDr8 ឱ្យបានមុនថ្ងៃទី១៧ ខែមករា ឆ្នាំ២០២៥ វេលាម៉ោង ៥:០០ល្ងាច និងព័ត៌មានបន្ថែម សាធារណជន អាចចូលទៅកាន់៖ https://shorturl.at/EOmAz។ សហគ្រិនខ្មែរ នឹងផ្ញើអ៊ីម៉ែលទៅដៃគូដែលបានដាក់ពាក្យ ដើម្បីប្រកាសជំហានបន្ទាប់នៃដំណើរការដេញថ្លៃ បន្ទាប់ពីរយៈពេលនៃការដាក់ស្នើការប្រាក់បានបញ្ចប់។

«វគ្គបណ្ដុះបណ្ដាលស្ដង់ដារសុវត្ថិភាពចំណីអាហារសម្រាប់ SMEs» នឹងផ្តោតលើសេចក្តីផ្តើម និងសារសំខាន់នៃប្រព័ន្ធគ្រប់គ្រងសុវត្ថិភាព និងគុណភាពចំណីអាហារ, លក្ខខណ្ឌតម្រូវមូលដ្ឋាននៃប្រព័ន្ធគ្រប់គ្រងសុវត្តិភាព និងគុណភាពចំណីអាហារ, បទប្បញ្ញត្តិជាតិ និងអន្តរជាតិពាក់ព័ន្ធនឹងសុវត្ថិភាពចំណីអាហារ។ វគ្គបណ្តុះបណ្តាលនេះ នឹងបង្ហាញពីបញ្ហាប្រឈមនៃការអនុវត្តស្តង់ដារសុវត្ថិភាព និងគុណភាពនៅក្នុងឧស្សាហកម្មចំណីអាហារ និងដំណើរការស្នើសុំវិញ្ញាបនបត្របញ្ជាក់ស្ដង់ដារនៃប្រព័ន្ធគ្រប់គ្រងសុវត្ថិភាព និងគុណភាពចំណីអាហារផងដែរ៕