ភ្នំពេញ៖ សហគ្រិនខ្មែរ នឹងរៀបចំកម្មវិធី «បណ្ដុះបណ្ដាល ស្ដីពីការកៀរគរថវិកាសម្រាប់សហគ្រាសធុនតូច និងមធ្យម (SMEs)» ឆ្នាំ២០២៤ ក្នុងគោលបំណងពង្រឹងសមត្ថភាពដល់ SMEs នៅកម្ពុជា ក្នុងការស្វែងរកហិរញ្ញប្បទានដើម្បីពង្រីកអាជីវកម្ម។ នេះបើតាមការចុះផ្សាយរបស់សហគ្រិនខ្មែរ កាលពីថ្ងៃទី២៧ ខែសីហា ឆ្នាំ២០២៤។

SMEs ដែលចូលរួមក្នុងកម្មវិធីបណ្តុះបណ្តាលនេះ នឹងទទួលបានការលើកកម្ពស់សមត្ថភាពប្រកួតប្រជែង ដែលមានសក្កានុពលខ្ពស់ ដើម្បីបង្កើនហិរញ្ញប្បទានពីប្រភពខាងក្រៅ តាមរយៈការកសាងជំនាញ ចំណេះដឹង និងសមត្ថភាព។ បច្ចុប្បន្ន កម្មវិធីនេះកំពុងស្វែងរក SMEs ដែលមានសមត្ថភាពខ្ពស់ និង មានការត្រៀមខ្លួនរួចរាល់ក្នុងការទទួលបានការវិនិយោគជាមួយនឹងដៃគូហិរញ្ញវត្ថុថ្មីៗ ដើម្បីពង្រីកអាជីវកម្មទៅមួយកម្រិតទៀត។

ប្រសិនបើសហគ្រាសធុនតូច និងមធ្យម មានចំណាប់អារម្មណ៍ចូលរួមក្នុងកម្មវិធី «បណ្ដុះបណ្ដាល ស្ដីពីការកៀរគរថវិកាសម្រាប់សហគ្រាសធុនតូច និងមធ្យម (SMEs)» ឆ្នាំ២០២៤ អាចចុះឈ្មោះតាមរយៈ https://shorturl.at/WfbJ8 ៕