ភ្នំពេញ៖ បច្ចុប្បន្ន កម្ពុជា ពុំមានការនាំចូលថាមពលអគ្គិសនីពីថៃ មកផ្គត់ផ្គង់នៅតាមតំបន់ណាមួយឡើយ។ នេះបើតាមសេចក្តីប្រកាសព័ត៌មានរបស់ អគ្គិសនីកម្ពុជា (EDC) នាថ្ងៃទី២៥ ខែមិថុនា ឆ្នាំ២០២៥។

ជាមួយគ្នានេះ អគ្គិសនីកម្ពុជា (EDC) ក៏បានបដិសេធ ចំពោះការលើកឡើងនានា ដែលផ្ទុយពីការពិតខាងលើផងដែរ។ គួរបញ្ជាក់ថា កាលពីថ្ងៃទី១២ ខែមិថុនា ឆ្នាំ២០២៥ សម្តេចធិបតី ហ៊ុន ម៉ាណែត បានបញ្ជាក់ថា កម្ពុជា សម្រេចចិត្តធានាការផ្គត់ផ្គង់អគ្គិសនី និងអ៊ីនធឺណិតដោយខ្លួនឯង ដោយមិនចាំបាច់ពឹងផ្អែកការទិញពីប្រទេសថៃទៀតទេ៕