ភ្នំពេញ៖ ការធ្វើបរិវិសកម្មមូលបត្រ គឺសំដៅដល់ដំណើការនៃការស្នើសុំទិញមូលបត្រកម្មសិទ្ធិរបស់ក្រុមហ៊ុនបោះផ្សាយលក់មូលបត្រនៅពេលដែលក្រុមហ៊ុនធ្វើសំណើលក់មូលបត្រជាសាធារណៈ។ ជាមួយគ្នានេះ ការវិនិយោគ គឺសំដៅលើការដាក់សាច់ប្រាក់ក្នុងរយៈពេលមួយទៅក្នុងគម្រោង ឬអាជីវកម្មណាមួយ ដើម្បីបង្កើតផលចំណេញ។

បើតាមពុទ្ធិមូលបត្រ ដែលចេញផ្សាយដោយនិយ័តករមូលបត្រកម្ពុជា នាថ្ងៃទី៣០ ខែធ្នូ ឆ្នាំ២០២៤ ការវិនិយោគរបស់វិនិយោគិន គឺអាចវិនិយោគដោយផ្ទាល់ ឬដោយប្រយោល តាមរយៈការបង្កើតអាជីវកម្ម, ការទិញទ្រព្យសកម្ម ដូចជា អចលនទ្រព្យ ដោយសង្ឃឹមថានឹងបង្កើតប្រាក់ចំណូលពីការជួល ឬលក់, ការដាក់ប្រាក់សន្សំមានកាលកំណត់, តុងទីន ឬការវិនិយោគនៅក្នុងទីផ្សារមូលបត្រ។

គួរបញ្ជាក់ថា ទម្រង់នៃការវិនិយោគខាងលើ គឺមានកម្រិតហានិភ័យផ្សេងៗគ្នា ដូចនេះ វិនិយោគិនគួរស្វែងយល់ពីខ្លួនឯងឱ្យបានច្បាស់លាស់ មុននឹងសម្រេចចិត្តវិនិយោគលើផលិតផលណាមួយ៕