ភ្នំពេញ៖ កម្មវិធី Digi Connect ដែលរៀបចំដោយគណៈកម្មាធិការសេដ្ឋកិច្ច និងធុរកិច្ចឌីជីថល នឹងជំរុញការលើកកម្ពស់ចំណេះដឹង ក្នុងការចាប់យកដំណោះស្រាយឌីជីថល និងការកសាងបណ្តាញទំនាក់ទំនងក្នុងការចូលរួមនៅក្នុងប្រព័ន្ធអេកូឡូស៊ីធុរកិច្ចឌីជីថលនៅកម្ពុជា។

តាមការចុះផ្សាយរបស់គណៈកម្មាធិការសេដ្ឋកិច្ច និងធុរកិច្ចឌីជីថល នាថ្ងៃទី២៨ ខែវិច្ឆិកា ឆ្នាំ២០២៤ កម្មវិធី Digi Connect នឹងធ្វើនៅថ្ងៃទី០៤ ខែធ្នូ ឆ្នាំ២០២៤ ចាប់ពីម៉ោង ៩:០០ព្រឹក ដល់ ១:០០រសៀល នៅអគារមជ្ឈមណ្ឌលអភិវឌ្ឍធុរកិច្ច ជាន់ទី១៥ ។

ចំពោះ សាធារណជន ដែលមានបំណងចូលរួមកម្មវិធី Digi Connect ដែលជាសិក្ខាសាលា និងមានការដាក់តាំងពិព័រណ៍នេះ អាចចុះឈ្មោះតាមរយៈ https://forms.gle/JgBi1i3z5aDviF7u6 ដោយឥតគិតថ្លៃ។ គួរបញ្ជាក់ថា កម្មវិធី Digi Connect ត្រូវបានគាំទ្រដោយសម្ព័ន្ធសមាគមសហគ្រាសធុនតូច និង មធ្យមកម្ពុជា សមាគមសហគ្រិនវ័យក្មេងកម្ពុជា និងសមាគមសហគ្រិនស្រ្តីកម្ពុជា៕