ភ្នំពេញ៖ សាកលវិទ្យាល័យ MGIMO University នៃប្រទេសរុស្ស៊ី នឹងផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ ដែលសិក្សារយៈពេល ២ឆ្នាំ ក្រោមកម្មវិធី «Political Economy of the ASEAN-Russia Strategic Partnership» ដល់បេក្ខជនមកពីប្រទេសជាសមាជិកអាស៊ាន រួមទាំងកម្ពុជាផងដែរ។ នេះបើតាមសេចក្តីប្រកាសរបស់ ក្រសួងអប់រំ យុវជន និងកីឡា។

សម្រាប់បេក្ខជន ដែលមានចំណាប់អារម្មណ៍ ចំពោះអាហារូបករណ៍ខាងលើ អាចចូលរួមដាក់ពាក្យតាមអនឡាញនៅលើគេហទំព័រ master.mgimo.ru ចាប់ពីថ្ងៃជូនដំណឹងនេះ រហូតដល់ថ្ងៃទី៣១ ខែកក្កដា ឆ្នាំ២០២៥ និងព័ត៌មានបន្ថែម សាធារណជន អាចចូលទៅកាន់គេហទំព័រ study-asean.mgimo.ru។

គួរបញ្ជាក់ថា ប្រទេសជាសមាជិកអាស៊ាន មានចំនួន១០ ប្រទេស រួមមាន៖ កម្ពុជា ឥណ្ឌូនេស៊ី ម៉ាឡេស៊ី ហ្វីលីពីន សឹង្ហបុរី ថៃ ប៊្រុយនេដារុយសាឡឹម វៀតណាម ឡាវ និងប្រទេសភូមា៕