ភ្នំពេញ៖ កម្ពុជា ទទួលបានទេសចរជាតិ និងអន្តរជាតិ ដើរលេងកម្សាន្តក្នុងពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល០៣ថ្ងៃ ចាប់ពីថ្ងៃទី១៤-១៦ ខែវិច្ឆិកា ឆ្នាំ២០២៤ ចំនួន ៧ ៨៤៤ ៣៨៨នាក់។ នេះបើតាមការចុះផ្សាយរបស់សម្តេចធិបតី ហ៊ុន ម៉ាណែត នាថ្ងៃទី១៨ ខែវិច្ឆិកា ឆ្នាំ២០២៤។

ក្នុងចំណោមភ្ញៀវទេសចរ ដែលកម្ពុជាទទួលបានជិត ៨លាននាក់នេះ មានភ្ញៀទេសចរជាតិសរុប ៧ ៧៥៥ ០៩២ នាក់ និងភ្ញៀវទេសចរអន្តរជាតិសរុប ៨៩ ២៩៦ នាក់។ ចំពោះ ខេត្ត-រាជធានីដែលទទួលបានភ្ញៀវទេសចរច្រើនជាងគេ ក្នុងរយៈពេល ៣ថ្ងៃនេះ មានដូចជា៖ រាជធានីភ្នំពេញ ទទួលបានភ្ញៀវទេសចរចំនួន ៦ ២៩២ ១៨៧នាក់។

ចំណែក ខេត្តសៀមរាប មានភ្ញៀវទេសចរទៅលេងកម្សាន្តចំនួន ៣៤៨ ២២៩នាក់, ខេត្តព្រះសីហនុ មានភ្ញៀវជាតិ-អន្តរជាតិចំនួន ៣១១ ៤៧២នាក់, ខេត្តប៉ៃលិន ទទួលបានភ្ញៀវទេសចរចំនួន ១៩៥ ៥០៨នាក់ និងខេត្តកំពត ទទួលបានភ្ញៀវទេសចរទៅលេងកម្សាន្តចំនួន ១៣៤ ៦២២៕