ភ្នំពេញ៖ ព្រះករុណា ព្រះបាទ នរោត្តម សីហមុនី នឹងយាងចូលរួមក្នុងសន្និសីទអន្ដររដ្ឋាភិបាលលើកទី៤ ស្ដីពី«រមណីយដ្ឋានប្រវត្តិសាស្រ្ដតំបន់អភិរក្សអង្គរ» នៅប្រទេសបារាំង នាថ្ងៃទី១២ វិច្ឆិកាខាងមុខនេះ។ នាឱកាសអវត្តមាននៃព្រះមហាក្សត្រ សម្តេចវិបុលសេនាភក្ដី សាយ ឈុំ ប្រធានព្រឹទ្ធសភា នឹងជួយព្រះមហាក្សត្រ ក្នុងឋានៈជាប្រមុខរដ្ឋស្ដីទី នៃព្រះរាជាណាចក្រកម្ពុជា។

ព្រះរាជសាររបស់ព្រះមហាក្សត្រ ព្រះបាទ នរោត្តម សីហមុនី នាថ្ងៃទី១០ ខែវិច្ឆិកា ឆ្នាំ២០២៣នេះ ព្រះអង្គនឹងយាងទៅកាន់ទីក្រុងប៉ារីស នៃសាធារណរដ្ឋបារាំង ដើម្បីយាងទៅបំពេញព្រះរាជទស្សនកិច្ចផ្លូវការ និងយាងចូលរួមក្នុងសន្និសីទអន្ដររដ្ឋាភិបាលលើកទី៤ ស្ដីពី«រមណីយដ្ឋានប្រវត្តិសាស្រ្ដតំបន់អភិរក្សអង្គរ» ចាប់ពីថ្ងៃទី១២ ខែវិច្ឆិកាខាងមុខ តទៅ៕